1 кастрычніка - Міжнародны дзень пажылых людзей

Гэтая дата-яшчэ адна нагода выказаць сваю любоў, клопат, падтрымку і павагу – у іх так мае патрэбу старэйшае пакаленне, якое так шмат зрабіла для нас. У гэты дзень Баранавіцкі цэнтр стандартызацыі, метралогіі і сертыфікацыі збіраў сваіх ветэранаў, для якіх была праведзена аглядная экскурсія па прадпрыемстве, у актавай зале прадэманстраваны фатаграфіі мінулых гадоў. Усіх людзей старэйшага пакалення з цёплай усмешкай сустрэў кожны цяпер дзеючы супрацоўнік Цэнтра. За круглым сталом і кубкам гарбаты прайшлі настальгічныя, бясцэнныя і прыемныя ўспаміны. Адметнасцю мерапрыемства стаў святочны канцэрт, падрыхтаваны калектывам дзіцячай музычнай школы мастацтваў г. Баранавічы.

Работнікі «РУП Баранавіцкі ЦСМС» віншуюць усіх родных і дарагіх нашаму сэрцу людзей – старэйшае, мудрае пакаленне. Няхай вашы дні будуць светлымі і добрымі! Хай у душы заўсёды пануе спакой, а ў сэрцы маладосць! Моцнага вам здароўя, дабрабыту, любові і клопату блізкіх і навакольных.